Ka Dorbar Shnong Pdengshakap kaba pyniaid iaka jingialehkai football iaka ba la tip kum ka 11th Secondary School Football Knock-out Tournament 2024-25 ha madan Pdengshakap, West Jaintia Hillska dang iaid shakhmat ha kaba kila don ki Team kiba la ioh ban rung sha ka Quarter Final jong ka jingialehkai.
Ki jingialehkai ba la pynlong ha kane ka sngi Saitjain bala dep la ioh ban bteng biang ia ki artylli ki jingialehkai 2nd round, ha ka jingialehkai ba nyngkong ka Nangbah Mulang sc kala jop ia ka Synroplang fc da 2-0 kol.
Ia kine ki arkol ka Nangbah Mulang SC la ioh ban thep da u Olives Pale ha ka minit kaba 30 bad u Living Phawa ha ka minit kaba 51.
Haka jingialehkai kaba ar pat ka Namrhenlang-i FC kala jop ia ka Golden Lion (Rymbai) da 4-3 kol daka jingiashut Tie-breaker hadien ba kila ia khaid ha ka jingialehkai da 0-0 kol.
Naka liang jong ka Tournament Committee kan bteng biang ia ka jingialehkai ha ka 8 tarik mynta u bnai. Ka jingialehkai ha ka por 12 baje shiteng sngi kan long hapdeng ka Azad AFC 2 kan iakhun pyrshah ia ka DC katba haka por 2 baje nohphai sngi pat ka KSF FC pyrshah ia ka Golden Lion Syndai FC.