Ka tnad Sports & Youth Affairs jong ka sorkar Meghalaya ka la khot aplikeshon na ka bynta ki nongialehkai kiba la wanrah ia ka nam bad burom ia ka Jylla ha ki lympung ialehkai ha ki Regional, National bad International level ki ba dei na ka bynta jong u snem 2024-2025 na ka bynta ban ioh ia ki lad jingiarap. Kane ka jingai jingiarap ka long ruh na ka bynta ki nongialehkai ki bym pat apply na ka bynta u snem 2022-2024.
Ia ki jingtip ba bniah bad ia ka phom lah ban ioh na ka ophis jong u Director, Sports & Youth Affairs, Meghalaya lane na ki State Sports Association, Meghalaya. Ka tarik ba khatduh ban pynpoi ia ka phom ka long ha lane shwa ka 4 tarik u Lber, 2025.