Ka long ka jingkmen bad ka burom ia ka Jylla baroh kawei hadien ba ka komiti jong ka National Games kaba dei ruh ka lympung ialehkai ba heh tam ha India, ka la mynjur ban pynlong ia kane ka lympung kaba 39 ha ka jylla Meghalaya ha ka sien ba nyngkong eh.
Ha ka jingpynhap pyrda ia katei ka lympung ba heh, la don ryngkat da ka P.T. Usha President Indian Olympic association , Dr. Mansukh Mandaviya, Myntri ba khmih ia ka tnad ïalehkai ka Sorkar pdeng, ki dkhot ka Meghalaya Sports Olympics Association (MSOA), ki nongialehkai ba la jop takma na ka jylla bad kiwei kiwei.
Da ka jingphuh ‘mut phuh ‘mat, u Myntri Rangbah ka jylla Conrad K. Sangma u la leit ban shimti ia ka Lama na ka kti jong u Amit Shah, Myntri kam Poh ïing ka ri kaba long ruh ka jingpynskhem ban pynlong lane pdiang (host) ia kane ka lympung ha u snem 2027.
Kum ban shu pynkynmaw ki Nongjop takma na ka jylla mynta u snem ki kynthup ia u samla Pynshngaiñ Kurbah, Vikash Rana, Indra Sharma, Elizabeth Vincent, Kiran Devi, bad N.Anandbhi. U snem 2025 u dei ruh u snem ban sah khana pateng na ka bynta ka jylla ha kaba la ioh ban khur takma biang hadien phew snem bad khamtam ban ioh ruh ia ka jingmynjur (approved) ban pynlong ia kane ka lympung ha ka sien ba nyngkong.
