Ka Evergreen SC&CC kala jop da 3 wickets ïa ka N.E.A.U (ATS) haka jingïalehkai ba khatlai jong District Cricket League 2025 bala pynïaid daka West Jaiñtia Hills District Cricket Association (WJHDCA) kaba la long mynta ka sngi ha Mini Stadium, Khliehtyrshi.
Ha kane jingïalehkai ka long hapdeng ka Evergreen S.C&C.C pyrshah ïa ka N.E.A.U (ATS), ha kaba ïaka jingkynting toss la jop da ka Evergreen SC&CC kaba la kam trai ban kawang ball shuwa. Ka N.E.A.U (ATS), haba wan ban tied nyngkong kala kamai 125 runs bad hap baroh 10 wickets haka 34.4 overs na ki 35 overs ba la buh.
Ha ba poi ka pali jong ka Evergreen SC&CC ban beh ïaka thong ka la lah ban ïoh 126 runs da kaba duh 7 wickets tang ha ka 28.1 overs.
U Mickey Marngar na ka Evergreen SC&CC ula kylla long u namtam bad khur ïaka khusnam man of the Match hadien ba la ïoh khur 4 wickets bad kamai 26 runs.
Ka jingïalehkai ha ka 15/04/2025 kan long hapdeng ka Khimusniang SC pyrshah ïaka Mupliang CC naduh ka por 9 baje mynstep.
