Ka seng ki samla pule jong ka thaiñ Warjaiñtia ha kine ki sngi ba lah dep ka la leit jngoh ia ka jingshna ia u Artificial Turf ha madam ialehkai phutbol ka Amlarem Subdivision Sports Association, Ladjaplem, Amlarem.
Ha kane ka jingleit jurip la lap ia ka jingtrei torti sha ba palat bad bym i skhem bad bym i poi shano shano na ki daw ba bun.
Ka seng hynnin ka sngi 16 tarik April 2025 hapoh ka jingialam u President Rangbah Shri Syndai Swer bad General Secretary Shri. Everest Langstang, Sport Secretary Shri. Dei Syad ki la kiew ha nongbah Shillong ha ophis ka State Sports Council ba dei ka nodal Agency ba khmih ia katei ka jingpyntrei artificial turf ha Amlarem. Ha kane ka sngi ka seng ka la buh da ka RTI ban lap ia ki jingshisha.
Ka seng kam banse ban tuklar ia katei ka kam namar ba ka rukom trei ka long sub standard ka jingduh nong kan long ia ki khynnah samla ka thaiñ ha ki por ki ban dang wan. Ka seng ka kwah ban kren shai ba lada ki bor ba dei khmih kim pynbiang ia ki jingtip kumba dei ban ai jingtip ka seng kam banse ban shu leit khang syndon ia katei ka jingthmu siang artificial turf ha Ladjaplem, Amlarem.
Kane ka long katkum ka jingpyllait khubor lyngba u Publicity Secretary WJSU u Gabriel Shylla.
