Ka Ribhoi DCA, Nongpoh kala jop da 77 runs ïa ka East Khasi Hills CA, haka jingïalehkai jong ka Under-16 Boys Inter District Cricket Tournament 2025 (Zone-1) kaba la long mynta ka sngi 17 tarik.
Ïa kane ka lympung la pynlong da ka Meghalaya Cricket Association (MCA) ïa kaba la pynïaid daka West Jaiñtia Hills District Cricket Association (WJDCA) ha Madan Thad, Mukhla Mission,West Jaiñtia Hills District.
Ka jingïalehkai kaba lai mynta ka sngi hapdeng ka RBDCA, Nongpoh pyrshah ïaka East Khasi Hills CA. Ïa ka toss la jop daka RBDCA kaba kam trai ban tied shuwa. Ka RBDCA haba leit tied da kaba ïoh kamai 119 runs bad duh lut baroh 10 wickets ha ka 27.5 overs.
Namar ka jingpynthut u slap ïa ka Target la hap ban pynduna sha ka 106 runs na ki 32 overs lyngba ka DLS method. Ka East Khasi Hills CA ha ba beh ïaka thong ka la lah ban kamai tang 28 runs bad ka la liem lyndang baroh 10 ki wickets ha ka 17.1 overs. Kumta ka RBDCA, Nongpoh ka la jop da 77 runs ïaka East Khasi Hills CA
Ka jingïalehkai ha ka sngi Saitjaiñ, 19/04/2025 kan long hapdeng ka SCA ‘B’ pyrshah ïa ka East Jaiñtia Hills D.C.A naduh ka por 8 shiteng mynstep.