Ka lympung ïalehkai phutbol jong ka First Warjaiñtia Invitation Football Tournament 2025 bala pynlong mynta ka sngi Saitjaiñ ha madan Amshipai, Amlarem ha ka jingïakhun 2nd Quarter Final Match hapdeng ka Lamin XI SCC pyrshah ïa ka Lamyrsiang SSC ha ka por 2 baje nohphai sngi.
Ka jingïakhun hapdeng kine ki ar kynhun kala long kaba itynnad bha, ha kaba ka Lamyrsiang SCC ka la jop da ka shi kol (1-0), ïa kane ka kol la ïoh ban thep da u Rap Lyndoh (Jersey No 10) ha ka minute kaba 67 jong ka jingïalehkai.
Da kane ka jingjop, ka Lamyrsiang SSC ka la jam sha ka Semi Final jong kane ka lympung ïalehkai football ba la khot pynlong da ka Sports and Youth Sub Committee ka seng.
Na ka liang ka Sports and Youth Sub Committee, ka pynbna paidbah ba ka jingïakhun kaba bud ha ka taïew ka ban wan kan long hapdeng ka Nongkhrohrim SC ka Champion ka Super League ka Thadlaskeiñ Sports Association pyrshah ïa ka Padu Sports United Club, ka Champion jong ka 2nd Division league ka Amlarem Sub-Divisional Sports Association.
Ka jingïalehkai kan long ha ka 25th April 2025 sngi Friday haka por 2:00 noh phai sngi ha kane kajuh hi ka madan Amshipai Football Ground. Kane ka long katkum ka kyrwoh khubor na u Publicity Secretary ka WJSU CB Amlarem bah Gabriel Shylla.