Ka Phramer CC kala jop da 6 runs ïa ka Moodymmai SC ha ka jingïalehkai jong ka District Cricket League 2025 bala pynïaid da ka West Jaiñtia Hills District Cricket Association (WJHDCA) mynta ka sngi 21 tarik ha Mini Stadium, Khliehtyrshi.
Haba phai sha ka jingïalehkai mynta ka sngi ka la long ka ba ïaryngkat bor bha hapdeng ka Phramer C.C. pyrshah ïa ka Moodymmai S.C. ha kaba ka Phramer CC ka la jop tang da 6 runs.
Ïa ka jingkynting toss la jop da Moodymmai SC kaba la kam trai ban kawang ball shuwa. Ka Phramer CC haba wan ban tied nyngkong kala kamai 189 runs na ki 35 overs bad liem 9 wicket. U Ridame Sari ula lehkai bha lyngba ka bat da ka ba tied marwei 61 runs na ki 67 balls bad u la ïoh ar tylli ki Six (6). U George Ryngkhlem pat ula tied 33 runs na ki 55 balls ryngkat bad iwei i Six (6). U Bichar Lamare nongkawang ball jong ka Moodymmai SC u la pyni shisha ïaka sap kawang ball jong u mynta ka sngi da kaba ïoh ban pynhap marwei 5 wickets na ki 7 overs.
Ka Moodymmai SC ha ka pali jong ka ban beh ïa ka thong ka lah ban tied haduh 183 run na ki 28.4 overs bad duh noh baroh 10 wicket. U Riboklang Hynñiewta marwei u la ïalehkai bha na ka bynta ka Moodymmai SC da ka batied 69 runs na ki 51 balls ryngkat bad 4 tylli ki Six (6s) bad 9 tylli ki Fours (4s). U Kamni Suna jong ka Phramer CC marwei u lah ïoh ban pynhap 4 wickets na ki 5.4 over bad ula ïoh khur ïa ka nam Man of the Match.
La pyntip ka jingïalehkai lashai ka sngi 22/04/2025 kan long hapdeng ka West Jaiñtia Police CC pyrshah ïaka Evergreen SC&CC naduh ka por 9 baje mynstep.