Ka kynhun ïalehkai jong ka Young Lad’s CC kala jop da 49 runs ïa ka Evergreen Mukhla Mission haka jingïalehkai jong ka District Cricket League 2025 bala pynïaid daka West Jaiñtia Hills District Cricket Association (WJHDCA) mynta ka sngi 26 tarik ha Mini Stadium, Khliehtyrshi.
Haba phai sha ka jingïalehkai, kaba la long hapdeng ka Young Lad’s CC pyrshah ïa ka Evergreen Mukhla Mission. Ïa ka jingkynting toss la jop da ka Young Lad’s CC kaba la kam trai ban tied nyngkong. Ka Young Lad’s CC haba wan ban tied nyngkong kala kamai 197 runs bad liem lut baroh 10 wickets haka overs kaba 30.
U Heiyomiki Ryngkhlem u la long u nongtied ba kham paw mynta ka sngi napdeng ki nongtied jong ka Young Lad’s CC da ka ba tied marwei 46 runs na ki 39 balls ryngkat iwei i Six (6) bad 5 tylli ki Fours (4s). U Eshan Siangshai pat u la tied 29 run na ki 46 balls ryngkat bad 4 tylli ki Four (4s). U Kamkini Sari, nongkawang ball jong ka Evergreen Mukhla Mission u la khyrwit marwei 4 wickets na ki 7 ober.
Ka Evergreen Mukhla Mission ha ka pali jong ka ban beh ïa ka thong, ki nongtied jong ka kim lah ban pynjop bad ki lah ban tied haduh 148 bad hap lut baroh 10 wickets ha ka over kaba 29.5. Napdeng ki nongtied jong ka dei tang u Enshelter Suna u ba kham leh bha da ka ba kamai marwei 40 runs na ki 47 balls ryngkat ar tylli ki Six (6) bad saw tylli ki Four (4s). U Maremdor Sutnga bad u Namewanki Pakyntein, ki nongkawang ball jong ka Young Lad’s CC ki la ïoh ban pynhap mar 3 wicket na ki 7 over.
U Maremdor Sutnga, jong ka Young Lad’s CC u ba ïalehkai bha mynta ka sngi ha ka jingkawang ball, u la ïoh khur ïa ka nam Man of the Match.
Ka jingïalehkai ha ka sngi Monday 28/04/2025 kan long hapdeng ka Phramer SC pyrshah ïaka Ummulong SC naduh ka por 9 baje mynstep.