Ka EJHDCA ka la jop da 9 wickets ïa ka WKHDCA ha ka jingïalehkai jong ka Under-16 Boys Inter District Cricket Tournament 2025 (Zone-1) kaba la long mynta ka sngi 30 tarik Ïaïong.
Ïa kane ka lympung la pynlong da ka Meghalaya Cricket Association (MCA) ïa kaba la pynïaid daka West Jaiñtia Hills District Cricket Association (WJDCA) ha Madan Thad, Mukhla Mission,West Jaiñtia Hills District.
Ka jingialehkai mynta ka sngi kala long ka ba noh shilliang hapdeng ka EJHDCA pyrshah ïa ka WKHDCA, ha kaba ka EJHDCA kala jop da 9 wickets. ïa ka jingkynting toss la jop da ka WKHDCA kaba la kam trai ban tied shuwa. Ka WKHDCA haba leit tied nyngkong, ki nongtied jong ka kim lah ban ïalehkai bha na ka daw ka jingtbit palat ki nongkawang ball jong ka EJHDCA, ha kaba ki la kyllon uwei hadien uwei bad dei tang u Ador Nongbri uba kham tied bha da ka batied marwei 16 runs (khlem out) na ki 30 balls, bad baroh lang ki lah ban tied tang 55 runS bad liem lut baroh 10 wicket ha ka overs kaba 19.2. U Generous Dkhar, nongkawang ball jong ka EJHDCA ula long u ba paw bha mynta ka sngi da ka ba ïoh khyrwit marwei 5 wickets na ki 6.0 overs.
Ka EJHDCA ha ka pali jong ka ban beh ïa ka thong, ki lai ngut ki nongtied jong ka kiba mih madan mynta ka sngi ki la lah ban pynjop bad ïoh 58 runS tang ha ka overs kaba 6.2 bad duh noh tang uwei u wicket. U Wadkidamei Lapasam ula tied marwei 22 runs (khlem out) na ki 20 balls, u Generous Dkhar ula tied 13 runs (not out) na ki 9 balls bad u Ithuhbha Dkhar ula tied 12 runs na ki 9 balls.
Ka jingïalehkai mynta ka sngi ka long ka jingïalehkai ba khadduh jong baroh ar kine ki Teams na ka Group A (Zone 1), ka EJHDCA kala jop ar sien na ki saw tylli ki jingïalehkai bad ka long ba ar ha ka Points Table. Ka WKHDCA pat ka khlem lah ban jop wat tang shisien ruh na baroh saw tylli ki jingïalehkai bad ka shong ha trai duh haka points Table
Ka jingïalehkai lashai ka sngi, Thursday 01-05-2025 kan long hapdeng ka SCA ‘A’ pyrshah ïaka SWKHDCA naduh ka por 8 baje shiteng mynstep.
