Ka kynhun ïalehkai jong ka Evergreen SC&CC kala jop da 63 runs ïa ka Khimusniang SC, haka jingïalehkai jong ka District Cricket League 2025 bala pynïaid daka West Jaiñtia Hills District Cricket Association (WJHDCA) mynta ka sngi 5 tarik u Jymmang ha Mini Stadium, Khliehtyrshi.
Haba phai sha ka jingïalehkai ïa ka jingkynting toss la jop da ka Evergreen SC & CC kaba la kam trai ban tied nyngkong. Ka Evergreen SC & CC haba leit tied nyngkong kala kamai 184 run bad liem 6 wicket na ki 20 overs. U Dinando Tariang ula lehkai bha mynta ka sngi napdeng ki nongtied jong ka Evergreen SC&CC da kaba tied marwei 51 runs (khlem out) na ki 25 balls ryngkat ar tylli ki Six (6s) bad 8 tylli ki Fours (4s). U Sainborlang Gadew pat u la tied 33 runs (khlem out) na ki 23 balls balls ryngkat ar tylli ki Six (6s) bad 3 tylli ki Fours (4s).U Lumporlan Passah (C) bad u Kenitestar Bareh, nongkawang ball jong ka Khimusniang SC ki la ïoh ban khyrwit mar 2 wickets na ki 4 overs.
Ka Khimusniang SC ha ka pali jong ka ban beh ïa ka thong, ki nongtied jong ka kim lah ban pynjop bad ki lah ban tied tang 121 runs na ki 20 ovres bad hap 8 wickets. Napdeng ki nongtied jong ka dei tang u Yoohimitre Patwet uba lehkai bha da kaba kamai marwei 42 runs na ki 20 balls ryngkat ar tylli ki Six (6) bad 6 tylli ki Fours (4s). U Dinando Tariang, u nongïaleh kai jong ka Evergreen SC & CC uba kamai bun run, ula ïalehkai bha ruh haka jingkawang ball da kaba ïoh ban pynhap 4 wickets na ki 4 overs bad ula ïoh ïa ka Nam Man of the Match.
Ka jingïalehkai lashai ka sngi, Tuesday 06/05/25 kan long hapdeng ka Khliehtyrshi SC pyrshah ïaka Mowkaiaw CYC haka por 8 baje mynstep.