Ka Phramer CC kala jop da 79 runs ïa ka Khliehtyrshi SC, haka jingïalehkai jong ka District Cricket League 2025 bala pynïaid daka West Jaiñtia Hills District Cricket Association (WJHDCA) mynta ka sngi saitjaiñ 10 tarik u Jymmang ha Mini Stadium, Khliehtyrshi.
Haba phai sha ka ïa ka jingkynting toss la jop da ka Phramer CC kaba la kam trai ban tied nyngkong. Ka Phramer CC haba leit tied nyngkong kala kamai 169 runs na ki 20 overs bad liem baroh 10 wickets. U James Nongrum ula lehkai bha mynta ka sngi napdeng ki nongtied jong ka Phramer CC da kaba tied marwei 38 runs na ki 29 balls ryngkat ar tylli ki Six (6s) bad 4 tylli ki Fours (4s). U Melan Suchiang ula tied 25 runs na ki 11 balls ryngkat ar tylli ki Six (6s) bad kawei ka Four (4). U Pyrkhat Sari ula tied 25 runs na ki 18 balls ryngkat lai tylli ki Fours (4). U Arman Dkhar, nongkawang ball jong ka Khliehtyrshi SC u la ïoh ban khyrwit 3 wickets na ki 4 overs.
Ka Khliehtyrshi SC haka pali jong ka ban beh ïa ka thong, ki nongtied jong ka kim lah ban pynjop bad ki lah ban tied tang 90 runs na ki 20 overs bad hap 8 wickets. Napdeng ki nongtied jong ka dei tang u Hoppermoon Rymbai 17 runs (khlem out) na ki 32 balls bad u Lakhon Dkhar 11 runs ( khlem out) na ki 16 balls kiba lah ban kamai ar dak. U Hamm Lyngdoh, nongkawang ball jong ka Phramer CC u la ïoh ban khyrwit 3 wickets na ki 4 ober bad u la ïoh khur ïa ka Nam Man of the Match.
Ka jingïalehkai ha ka sngi Monday, 12/05/2025 kan long hapdeng ka Mowkaiaw CYC pyrshah ïaka Moodymmai SC naduh ka por 8 baje shiteng mynstep.