Ka Meghalaya Swimming Association (MSA) hynne ka sngi ka 20 tarik Jylliew 2025 ka la kitbok kitwriang ia ki 5 ngut ki khynnah ki ban leit mihkhmat ia ka jylla sha ka 78th Senior Swimming Championship 2025 ka ban long ha Bhubaneswar Odisha.
Ki kyrteng jong ki 5ngut ki khynnah kiba mihkhmat ia ka jylla ki kynthup ia u Cleric Jayden Wanniang, Shuan Maxwell Diengdoh, Anahad Alawat, Sumarbiang Mawlong bad Nazareen Pariong.
Haba kren ha kane ka sngi na ka liang u President ka Meghalaya Swimming Association u bah Īan Lyngdoh u la ong ba ki khynnah kiba ban leit iashim bynta sha Odisha ki kynthup ia 3 ngut ki shynrang bad 2 ngut ki kynthei. U la ong kine ki 5 ngut ki khynnah ka kynhun ka la jied lypa ban pynkhreh na ka bynta ka National Games ka ban long ha ka jylla ha u snem 2027 bad u la ong kine ki 5 ngut ki khynnah ka kynhun kan ai jinghikai bha na ka bynta ba kin wanrah nam ia ka jylla.
Haba iadei bad ka jingpynkhreh jong ki khynnah ban leit sha Odisha, u President u la ong ba ka kynhun ka thrang ba kine ki 5 ngut kin ialehkai bha, ka long ka jingialehkai kaba jwat hynrei kyrmen ba kin lehkai bha ban wanrah jingjop.
Shuh shuh u la ong haba iadei bad ki jaka hikai kim pat long kiba biang hynrei ka kynhun ka kyrmen ba ki jaka hikai kin biang ha ki snem ban wan khnang ba ki khynnah ialehkai ka jylla kin ioh ban pynkhreh bha khamtam ha ka National Games ka ban long ha ka jylla.
