Ka lyngpung ïalehkai phubol jong ka kyrdan 3rd Division2025 League Stage, bala pynïaid da ka East Jaiñtia Hills District Football Association (EJHDFA), kaba la long mynta ka sngi Saitjaiñ 12 tarik ha madan Artificial Turf Diengshynrum, Khliehriat East Jaiñtia Hills District.
Haka jingïakhun kaba nyngkong ka Moolang SC kala jop da 2-1 kol ïa ka Umrasong SCSC, ïa kitei ki kol na ka Moolang SC la thep da Riping Dkhar haka minit ba 6 & 74. Ïa ka shikol na ka Umrasong SCSC la thep da u Josting Papiah haka minit ba 17.
Haka jingïakhun kaba ar ka Lumshyrmit SCSC kala jop da 3-1 kol ïa ka Pynurkba Christian SC, ïa ki kol na ka Lumshyrmit SCSC la thep da u Bikel Khaïi haka minit ba 6, u Blining Dkhar haka minit ba 21 bad u Khroo Dkhar haka minit ba 25. Ïa ka shikol na ka Pynurkba Christian SC la thep da u Kitbok Pdanghaka minit ba 5.
Katba ha ka jingïakhun kaba lai ka Suchen Lumiarain SC kala jop da 2-0 kol ïa ka Dkhiah East SC, ïa kitei ki ar kol la thep da u Join Khaïi haka minit ba 42 bad u Shar Sumer haka minit ba 61.
La pyntip ba ka jingïakhun kan bteng biang haka sngi nyngkong 14 tarik ha ki artylli ki jingïakhun.
