Ka lympung ïalehkai phutbol 2nd Division League Stage 2025 bala pynïaid da ka East Jaiñtia Hills District Football Association (EJHDFA) kaba la long mynta ka sngi 21 tarik ha madan Artificial Ground Diengshynrum, Khliehriat.
Haba phai sha ka jingïakhun kaba nyngkong hapdeng ka Kairang CSC bad ka Lumshken SC kila poi sha ka jingïakhaid khlem don kiba ïoh ban thep kol (0-0).
Haka jingïakhun kaba ar ka Lumshnong YWSC kala jop da 4-0 kol ïa ka Lumputhoi SC, ïa kitei ki kol na ka Lumshnong YWSC la thep da u Rida o Rupai ha ka minit ba 2 & 77, u Shkem boklang Rupai ha ka minit ba 19 bad u Justine Niang ha ka minit ba 27.
Katba ha ka jingïakhun kaba lai hapdeng ka Mulieh YWSC Suchen bad ka Lakadong Ummat SCC kila ïakhaid da mar 3-3 kol, ïa ki kol na ka Mulieh YWSC Suchen la thep da u Hamedahun Lamo haka minit ba 5 & 57 bad u Teibor Swer ha ka minit ba 67. Ïa ki kol na ka Lakadong Ummat SCC la thep da u Pynbha Miki haka minit ba 33, u Seibormi Suchen ha ka minit ba 49 bad u Eibormi Lyngdoh ha ka minit ba 56.
La pyntip ba ka jingïakhun kan bteng ha ka 23 tarik u Naitung ha ki lai tylli ki jingïakhun.
