Ka Jingialehkai Durand Cup hapdeng ka Shillong Lajong FC bad ka Rangdajied United FC kaba la long mynta ka sngi ka 29 tarik Naitung 2025 ,ha kaba ka Shillong Lajong FC ka la lah ban pynliem noh ia ka Rangdajied United FC da 3-1 kol ha JN Complex Polo.
Ka jingiakhun ha ka 1 half ka long kaba itynnad ha kaba ka Rangdajied United bad ka Shillong Lajong FC ki la iakhun tyngeh hynrei kim shym ioh lad ban thep kol , bad ha shwa ban kut ka half time kata ha ka 45 minute shwa ban kut ka half time ka Shillong Lajong ka la ioh ban thep 1 kol lyngba u Everbrighton Sana Mylliempdah bad tam ia ka Rangdajied United FC 1-0.
Haba phai sha ka Jingialehkai 2nd Half ka Rangdajied United ka la iakhun tyngeh bad ka la ioh ban pynphai 1 kol ha ka minute kaba 58 bad la thep ia ka kol da u Mebanshngain Kurkalang, bad iakhaid da mar 1 kol, hadien kata ka Shillong Lajong ka la iakhun tyngeh bad ka la ioh biang ban pynphai sa 1 kol ha ka 66 minute lyngba u Damait Lyngdoh,bad tam ia ka Rangdajied 2-1 hadien kata ka Rangdajied ka la iakhun tyngeh bad kim shim ioh lad ban pyniakhaid biang, ka Shillong Lajong ka la ioh biang ban thep lyngba u Gladdy Kharbuli da ka Freekick ha ka minute kaba 80 ,bad ban tam syndon da 3 -1.
Ka Rangdajied United ka la iakhun tyngeh ban pynphai biang hynrei kam shim ioh lad bad pynlong ia ka lajong ban khur syndon ia ka jingjop kaba 2 ha kane ka Jingialehkai Durand Cup kaba la long ba JN Complex Polo
ha ka Jingialehkai kaba ar jong ka Durand Cup kaba la long ha JN Complex Polo.
Ka Shillong Lajong kan iakhun pyrshah ia ka North East United FC ha ka 8 tarik Nailar ha JN Complex Polo bad ka Rangdajied United FC kan iakhun pyrshah ia ka Malaysian Armed Forces ha ka 5 tarik Nailar ha JN Complex Polo.
