Ka lympung ïalehkai phutbol bala pynïaid da ka Thadlaskeiñ Sports Association (TSA) West Jaiñtia Hills kaba la long mynta ka sngi 13 tarik u Nailar ha ki ar tylli ki kyrdan kata ka ‘Joybell Suiam Memorial 2nd Division Football League TSA’ bad ka ‘Kesilroy Pala Memorial Super Division TSA’.
Haka jingïakhun jong ka Joybell Suiam Memorial 2nd Division Football League TSA ka Myntoilang i Bamkamar kala jop da 3-1 kol ïa ka Mukhla Veteran, ïa ki kol na ka Myntoilang i lathep da u Somiyo Mukhim ha ka minit ba 19, u Samuel Challam haka minit ba 35 bad u Damian Nongrum haka minit ba 72. Katba ïa ka shikol na ka Mukhla Veterans lathep da u Kitkhia Suna haka minit ba 4.
Haka jingïakhun kaba ar ka Tyllilang i Moobakhon kala jop da 3-1 kol ïa ka Mukhla Mission ïa ki kol na ka Tyllilang i Moobakhon la thep da u Dashaniah Rymbai ar kol haka minit ba 13 & 34 bad u Treles Rasmut haka minit ba 56. Ïa ka shikol naka Mukhla Missionla thep da u Winchester Tang haka minit ba 72.
Haba phai sha ka jingïakhun jong ka Kesilroy Pala Memorial SuperDivision TSA ka kynhun ïalehkai jong ka Pohskur Phyllongingkhaw kala jop da 4-1 kol ïa ka Heibor iong i FC, ïa ki kol na ka Pohskur Phyllongingkhaw la thep da u Saibor Nongrum ha ka minit ba 39, 80 & 90+5 bad u Jendeng Mukhim ha ka minit ba 90+4. Katba ïa ka shikol na ka Heibor iong i FC la thep da u Kyntulang Dkhar haka minit ba 10.
La pyntip ka jingïakhun lashai ka sngi 14 tarik u Nailar ha ka Joybell Suiam Memorial 2nd Division Football League TSA ka kynhun jong ka Thadmynri kan ïakhun pyrshah ïa ka Hunlang FC Moobakhon haka por 1 baje nohphai sngi.
Ha ka kyrdan jong ka Kesilroy Pala Memorial Super Division TSA ka kynhun ïalehkai jong ka Mukhla Raij pyrshah ïa ka Niriang SC haka por 3 bajenohphai sngi.
