Ka ophis jong u District Sports Association (DSO) lem bad ka ophis jong u S.D.O Ranikor Civil Sub-division ryngkat ka District Administration SWKHD ha ka 13 tarik mynta u bnai kila pynlong ïa ka jingmareh marathon bala tip kum ka SWKHD Independence Day Run 2025 ha ka shnong Nonghyllam.
Ha kane ka jingmareh marathon kumba 260 ngut ki la ïa wan ban ïa shim bynta kynthup ïa ki samla khynnah bad rangbah kaba long 10 kilometres bad ha kane ka jingïamareh ka don naduh ka under 14, kynthei bad shynrang, ka younger kynthei shynrang bad ka above 50 years kynthei bad shynsrang.
Ïa kane ka sngi la sakhi lang da u ADC jong ka SWKHD Bah L.T Tariang, u DSO SWKHD bah Daman Synkon, u BDO ka Ranikor Block bah Staveford Marwein, u MLA/MDC ka Ranikor Constituency u Bah Pius Marweiñ lem bad kiwei kiwei de ki ophisar sorkar.
Ki nongjop ki long ha ka younger shynrang, ïa ka nam lahduh la ïoh da u samla Maikhelsing Ramsiej na ka shnong Sakwang, katba jong ki kynthei ïa ka nam lahduh kala ïoh da ka samla Daplin Wahlang na ka shnong Shngimawlein, ha kaba ïadei bad ka under 14 ïa ka nam lahduh la īoh da u heprit Jemwelson Ramsiej na ka shnong Sakwang, katba jong ki kynthei la ioh da i heprit Mary Ramsiej na ka shnong Sakwang, ha kaba ïa dei pat bad ka 50 snem sha jrong u Bah Swonding Mawlong na ka shnong Shngimawlein u la long u lahduh, ha kaba dei pat jong ki kynthei ka kong Juliana Wanniang na ka shnong Pyndenumsaw kala long ka lahduh.
Ha kane ka jingïamareh thong ka mei ieid Kmoit Wahlang kaba ba dei ka nongïamareh thong ba pawnam jong ka SWKHD kala wan ban ïa shim bynta bad kala ïoh ïa ka Silver Medal.
