Jop ka Bamkamar Wah & Lumkynsaw haka 2nd Division, ka Lumphyrnai Sohphoh haka Super Division ka TSA

Ka lympung ïalehkai phutbol jong ka ‘Joybell Suiam Memorial 2nd Division Football League bad ka ‘Kesilroy Pala Memorial Super Division bala pynïaid da ka Thadlaskeiñ Sports Association (TSA) West Jaiñtia Hills ka la long ha kane ka sngi 25 tarik ha madan Wahiajer Multi-Sports Complex.
Haka jingïakhun ba nyngkong jong ka Joybell Suiam Memorial 2nd Division Football League ka Bamkamar Wah kala jop da 2-0 kol ïa ka Thadmynri, ïa ki kol na ka Bamkamar Wah la thep da u Iaishah Nongrum haka minit ba 19 bad u Sbun John Langshiang haka minit ba 28.
Haka jingïakhun kaba ar ka Lumkynsaw kala jop da 2-1 kol ïa ka Hunlang I Moobakhon, ïa ki kol na ka Lumkynsaw la thep da u Jonan Suting haka minit ba 2 & 8. Ïa ka shikol na ka Hunlang I Moobakhon la thep da u Ritikna Lamare ha ka minit ba 57.
Haba phai sha ka jingïakhun jong ka Kesilroy Pala Memorial Super Division ka Lumphyrnai Sohphoh kala jop da 7-2 kol ïa ka Pohskur Phyllong iingkhaw, ïa ki kol na ka Lumphyrnai Sohphoh la thep da u Risuk Suting haka minit ba 12, u Pynbiang Mynsong (29,43), u Sumar Suting lai kol haka minit ba (47,54 & 90+3) bad u Wellson Suting (51). Ïa ki ar kol na ka Pohskur Phyllong iingkhaw la thep da u Jendeng Mukhim haka minit ba 18 bad u Samboi Mukhim haka minit ba 81.
La pyntip ba ka jingïakhun lashai ka sngi 26/08/2025 haka kyrdan ‘Joybell Suiam Memorial 2nd Division Football League haka por 10 baje ka Mukhla Nongrim pyrshah ïa ka United Phyllong iingkhaw, ha ka por 12 baje mynsngi ka Mukhla Sohshrieh pyrshah ïa ka Maya Club Umjlasiaw.
Katba haka kyrdan jong ka Kesilroy Pala Memorial Super Division haka por 3 baje nohphai sngi ka Wahiajer pyrshah ïa ka Niriang SC.