Jop ka Mainroad SC Wahiajer & Nongdhar Nongthymme haka 2nd Division, ka Mukhla Raij haka Super Division ka TSA

Ka lympung ïalehkai phutbol jong ka ‘Joybell Suiam Memorial 2nd Division Football League bad ka ‘Kesilroy Pala Memorial Super Division bala pynïaid da ka Thadlaskeiñ Sports Association (TSA) West Jaiñtia Hills kaba la long mynta ka sngi Palei 28 tarik ha madan Wahiajer Multi-Sports Complex.
Haka jingïakhun ba nyngkong jong ka Mainroad SC Wahiajer kala jop da 4-0 kol ïa ka Iawthymbleiñ, ïa ki kol na ka Mainroad SC la thep da u Steven Gathphoh haka minit ba 35, u Ethan Lamare haka minit ba 39 bad u Godwin Pakma haka minit ba 42 & 53.
Haka jingïakhun kaba ar ka Nongdhar Nongthymme kala jop da 3-0 kol ïa ka Niriang United, ïa ki kol na ka Nongdhar Nongthymme la thep da u Comfort Shiwat ha ka minit ba 22, u Edris Suting haka minit ba 32 bad u Haiobiang Dkhar haka minit ba 66.
Haba phai pat sha ka jingïakhun jong ka Kesilroy Pala Memorial Super Division ka Kesilroy Pala Super Division ka Mukhla Raij kala jop da 5-1 kol ïa ka Pohskur Phyllong Iingkhaw, ïa ki kol na ka Mukhla Raij la thep da u Welcome Sari haka minit ba 6, u Davidson Iawphniaw haka minit ba 20, u Chandame Suna haka minit ba 36 bad u Banlam Mawlong haka minit ba 58 & 67. Katba ïa ka shikol na ka Pohskur Phyllong Iingkhaw la theh da u Maidong Mukhim haka minit ba 10.
La pyntip ba ka jingïakhun kan bteng haka 01/09/2025 haka kyrdan ‘Joybell Suiam Memorial 2nd Division Football League haka por 10 baje ka Mukhla Wahshnong pyrshah ïa ka Iongshiwiat. Ha ka por 12 baje mynsngi ka Namdong-A pyrshah ïa ka Iawpynsin Wahiajer.
Katba haka kyrdan jong ka Kesilroy Pala Memorial Super Division haka por 3 baje nohphai sngi ka Lumphyrnai Sohphoh pyrshah ïa ka Nongkhroh Rim.