Ka jingïalehkai phubol ba la pynïaid da ka West Jaiñtia District Sports Association (WJDSA) kaba la long mynta ka sngi 30 tarik u Nailar ha ki ar tylli ki kyrdan kata ka ‘5th Adelbert Memorial Trophy 3rd Division Football 2025 bad ka ‘8th Debo Shullai Memorial Trophy 2nd Division Football 2025 bala pynlong ha madan Kiang Nangbah Stadium Dongmihsngi, Jowai.
Haba phai sha ka jingïakhun ba nyngkong ha ka kyrdan 3rd Division ka West Madan Mustem kala pynliem da 3-1 kol ïa ka Chyrmang Wah SC, ïa ki kol na ka West Madan Mustem la thep da u Sumi o Tariang ha ka minit ba 6 bad u Nineciful Shylla ha ka minit ba 48 & 55. Katba ïa ka shikol na ka Chyrmang Wah la thep da u Apros Dkhar ha ka minit ba 18.
Haka jingïakhun kaba ar hapdeng ka Loomiongkjam bad ka Mookaswan Dongneiñ la hap ban pynsangeh noh na ka daw ka jinghap u slap.
Haba phai pat sha ka jingïakhun jong ka 2nd Division ka kynhun ïalehkai jong ka Khliehmynkrem ka la pynliem da 5-0 kol ïa ka Caroline Colony, ïa kitei ki kol na ka Khliehmynkrem la thep da u Marle Khlem ha ka minit ba1, 72 & 79, u Wanskhem Khlem ha ka minit ba 3 bad u Niwon Syad ha ka minit ba 51.
