Ka kynhun ïalehkai phutbol jong ka India ka la ioh ia ka kabu ban rah ia ka nam lahduh jong ka lympung South Asian Football Federation (SAFF) jong ki samla kynthei kiba hapoh 17 snem (U-17) lyngba ka jingjop don burom da 5-0 ha ka jingiakhun pyrshah ia ka Nepal.
Ia kane ka lympung ba la pynlong ha Bhutan, ka kynhun jong ka India ka la mad ia ka jingjop ha baroh 5 tylli ki jingialehkai ha kaba la ioh ban khur haduh 15 poiñ.
Ha kane ka lympung ki kynhun kiba la ïashim bynta ki long ka Bangladesh, Nepal bad Bhutan. Watla ka India ka dang sah sa kawei ka jingiakhun hynrei ka SAFF ka la dep ban pyntikna ba ka India ka la dei lypa ka lahduh namar ka khlem pat mad ia ka nam rem bad tam ruh 5 poin ia ka Bangladesh kaba don ha ka Kyrdan ba 2.
Ka Samla Nira Chalu Longjam ka la ioh ban khur ia ka khusam player of the match ha katei ka jingiakhun pyrshah ia ka Nepal.
