Ïakhaid ki jingïakhun ha ka 2nd Division, jop ka Lumphyrnai Sohphoh ha ka Super Division ka TSA

Ka lympung ïalehkai phutbol jong ka ‘Joybell Suiam Memorial 2nd Division Football League bad ka ‘Kesilroy Pala Memorial Super Division ba la pynïaid da ka Thadlaskeiñ Sports Association (TSA) West Jaiñtia Hills kaba la long mynta ka sngi 1 tarik u Nailur ha madan Wahiajer Multi-Sports Complex.
Haka jingïakhun ba nyngkong jong ka 2nd Division hapdeng ka Iongshiwiat bad ka Mukhla Wahshnong kila poi sha ka jingïakhaid da mar shikol (1-1). Ïa ka kol na ka Iongshiwiat la thep da u Elias Lyngdoh haka minit ba 52. Ïa ka kol na ka Mukhla Wahshnong la thep da u Heibor Sari ha ka minit ba 70.
Haka jingïakhun kaba ar ruh hapdeng ka Iawpynsin Wahiajer bad ka Namdong-A kila poi sha ka jingïakhaid da mar shikol (1-1). Ïa ka kol na ka Iawpynsin Wahiajer la thep da u Markatjuh Dkhar haka minit ba 10. Ïa ka shikol na ka Namdong-A la thep da u Kriskot Mukhim haka minit ba 60.
Haba phai pat sha ka jingïakhun jong ka Kesilroy Pala Memorial Super Division ka Lumphyrnai Sohphoh kala jop da 2-1 kol ïa ka Nongkhroh Rim. Ïa kitei ki kol na ka Lumphyrnai Sohphoh la thep da u Sumar Suting haka minit ba 20 bad u Habandajop Khynriam haka minit ba 50. Ïa ka shikol na ka Nongkhroh Rim la thep da u Robito Nongspung haka minit ba 19.
La pyntip ba ka jingïakhun kan bteng haka 02/09/2025 haka kyrdan ‘Joybell Suiam Memorial 2nd Division Football League haka por 10 baje ka Tympang SC pyrshah ïa ka Myngkrem SC. Ha ka por 12 baje mynsngi ka Maia SC pyrshah ïa ka Pdienlum SC.
Katba ha ka kyrdan jong ka Kesilroy Pala Memorial Super Division ha ka por 3 baje nohphai sngi ka Mukhla Raij SC ka ïakhun pyrshah ïa ka Nongkhroh Krem Kum.