Ka jingïalehkai phubol bala pynïaid da ka West Jaiñtia District Sports Association (WJDSA) kaba la long mynta ka sngi 3 tarik u Nailur haki ar tylli ki kyrdan kata ha ka kyrdan 3rd Division Football bad ka 2nd Division Football, la pynlong ha madan Kiang Nangbah Stadium Dongmihsngi, Jowai.
Haba phai sha ka jingïakhun ba nyngkong haka kyrdan 3rd Division ka Mookymphad Mihmyntdu kala pynliem da 2-0 kol ïa ka Catholic Youth Mihmyntdu, ïa ki kol naka Mookymphad Mihmyntdu la thep da u Jerry Dhar haka minit ba 26 bad u Humbertson Rymbai haka minit ba 69.
Haka jingïakhun kaba ar ka Umchangyiar SC kala pynliem da 1-0 kol ïaka Loompyrdi Iongpiah SC, ïa katei ka shikol na ka Umchangyiar SC la thep da u Monlang Sutnga haka minit ba 5.
Katba haka jingïakhun kaba lai ka Riatsaliya Mihmytdu kala pynliem da 1-0 kol ïa ka Lumkhangdong Kyndongtuber, ïa katei ka shikol na ka Riatsaliya Mihmytdu la thep da u Jeremy Shylla haka minit ba 15.
Haba phai pat sha ka jingïakhun jong ka 2nd Division hapdeng ka Chilliangraij SC bad ka Khliehmyntang Ialong kila poi sha ka jingïakhaid khlem don kiba ïoh ba thep kol (0-0).
