Ka jingïalehkai phubol bala pynïaid daka West Jaiñtia District Sports Association (WJDSA) kaba la long mynta ka sngi 5 tarik u Nailur haki ar tylli ki kyrdan kata ka ‘5th Adelbert Memorial Trophy 3rd Division Football 2025 bad ka ‘8th Debo Shullai Memorial Trophy 2nd Division Football 2025 ha madan Kiang Nangbah Stadium Dongmihsngi, Jowai.
Haba phai sha ka jingïakhun ba nyngkong haka kyrdan 3rd Division ka Mookyrdup kala jop da 1-0 kol ïa ka Pynthorlangteiñ, ïa katei ka shikol naka Mookyrdup la thep da u Niwan o Lamare haka minit ba 65.
Haka jingïakhun kaba ar ka Loomiongkjam kala jop da 2-1 kol ïaka West Madan Mustem, ïa kitei ki ar kol naka Loomiongkjam la thep da u Khroo Laloo haka minit ba 30 & 46. Katba ïa ka shikol naka West Madan Mustem la thep da u Suni oo Tariang haka minit ba 50.
Katba haka jingïakhun kaba lai ka Pasyih Cultural SC kala jop da 2-1 kol ïaka Pammanik SC, ïa ki kol naka Pasyih Cultural la thep da u Prechek Bang haka minit ba 47 bad u Seiborlang Dkhar ha ka minit ba 58. Ïa ka shikol naka Pammanik la thep da u Jamis Talang haka minit ba 8.
Haba phai pat sha ka jingïakhun jong ka 2nd Division ka Giovento Mynso kala jop da 1-0 kol ïa ka Moosalyngkat SC, ïa katei ka shikol na ka Giovento Mynso la thep da u Albert Lyngdoh haka minit ba 55.
