Ka lympung jingialehkai football kaba la pyniaid da ka Saipung Block Sports Association (SBSA), jong ki khynthei ia kaba la tip kum ka 1st Edition jong ka Women League Football Tournament 2025, ka la sdang mynta ka sngi 9.09.2025. Ha kane lympung jingialehkai football ki khynthei kaba la pyniaid da ka SBSA la wan ban iashim bynta baroh da ki 6 (Hynriew) tylli ki kynhun (Teams).
Ki jingiakhun mynta ka sngi ki long ka Lumtong United pyrshah ia Bamkho Sngi United, kaba la poi sha ka jingiakhaid (Draw) 0-0 goal.
Ka jingiakhun kaba ar pat kaba la long ha ka por 1:30 nohphai sngi ka long ka Daistong United pyrshah ia ka United Biate FC, ha kaba ka Daistong United ka la pynliem ia ka United Biate FC da 1-0 goal. Ia ka shi kol na ka Daistong United la ioh ban thep da ka Happily Lyngdoh ha ka minute kaba 39 jong ka jingiakhun.
La pyntip ruh ba ia ka jingiakhun ka ban dangwan kan long i ha ka 12/09/25.
