Ka jingïalehkai phubol bala pynïaid daka West Jaiñtia District Sports Association (WJDSA), kaba la long mynta ka sngi 11 tarik u Nailur ha ka kyrdan ‘8th Debo Shullai Memorial Trophy 2nd Division Football 2025, ka la long hapdeng ka Mulang Ialong pyshah ia ka NSA, ka Risingsun Mukhla pyrshah ia ka Caroline Colony bad ka Iawmulong Nartiang pyrshah iaka Khliehmynkrem, kaba la pynlong ha Kiang Nangbah Stadium Dongmihsngi, Jowai.
Haba phai sha ka jingïakhun ba nyngkong ka Mulang Ialong kala pynliem haduh 7-0 kol ïaka NSA, ïa ki kol na ka Mulang Ialong la thep da u Nidaroi Mulieh ha ka minit ba 8, u Richard Dhar ha ka minit ba 13, u Samehipaia Ryngki haka minit ba 49, 63 & 79, u Heimon Dkhar haka minit ba 53 bad u Tympang Tangliang haka minit ba 59.
Ha ka jingïakhun kaba ar pat, ka Risingsun Mukhla kala pynliem da 2-0 kol ïaka Caroline Colony, ïa ki kol na ka Risingsun Mukhla la thep da u Alford Lyngdoh haka minit ba 2 bad u Stopper Bang haka minit ba 7.
Katba haka jingïakhun kaba lai hapdeng ka Iawmulong Nartiang bad ka Khliehmynkrem kila poi sha ka jingïakhaid khlem don kiba ïoh ban thep kol (0-0).
