Jowai: Ka jingïalehkai phubol bala pynïaid da ka West Jaiñtia District Sports Association (WJDSA) kaba la long mynta ka sngi 13 tarik u Nailur ha ki ar tylli ki kyrdan kata ka ‘5th Adelbert Memorial Trophy 3rd Division Football 2025 bad ka ‘8th Debo Shullai Memorial Trophy 2nd Division Football 2025 la pynlong ha madan Kiang Nangbah Stadium Dongmihsngi, Jowai.
Haba phai sha ka jingïakhun ba nyngkong ha ka kyrdan 3rd Division ka SCSC Nonglatem kala jop da ka jingïashut Tie Breaker da 4-2 kol ïaka Mookaswan Dongnein, haduh ka por bala buh jong ka jingïakhun kine ki ar kynhun kila ïakhaid da mar 3-3 kol.
Ïa ki kol na ka SCSC Nonglatem la thep da u Iforme Muktieh haka minit ba 31, u Tomy Lamare haka minit ba 64 bad u Dotol Langshiang ha ka minit ba 74. Ïa ki kol na ka Mookaswan Dongnein la thep da u Pyrkhat Shylla ha ka minit ba 4, u Lastborn Phawa ha ka minit ba 28 bad u Shain Shylla ha ka minit ba 77.
Haka jingïakhun kaba ar ka Da-i-hi Mynsngat kala jop da 2-1 kol ïa ka Mookyrdup, ïa ki kol na ka Da-i-hi Mynsngat la thep da u Banker Muksor ha ka minit ba 34 bad u Hopestarwell Thubru ha ka minit ba 40. Ïa ka shikol na ka Mookyrdup la thep da u Shining Rymbai ha ka minit ba 6.
Katba ha ka jingïakhun jong ka 2nd Division hapdeng ka Moosalyngkat bad ka Shangpung Khliehmuchut kila poi sha ka jingïakhaid da mar 2-2 kol. Ïa ki kol na ka Moosalygkat la thep da u Teimiki Sungoh ha ka minit ba 18 bad u Kitbokmi Suchiang ha ka minit ba 53. Na ka liang ka Shangpung Khliehmuchut la thep da u Shikil Langbang ha ka minit ba 1 bad u Heibormi Sungoh ha ka minit ba 72.
