Ka jingïalehkai phubol bala pynïaid daka West Jaiñtia District Sports Association (WJDSA) kaba la long mynta ka sngi 15 tarik u Nailur haki ar tylli ki kyrdan kata ka ‘5th Adelbert Memorial Trophy 3rd Division Football 2025 bad ka ‘8th Debo Shullai Memorial Trophy 2nd Division Football 2025 bala pynlong ha madan Kiang Nangbah Stadium Dongmihsngi, Jowai.
Haba phai sha ka jingïakhun ba nyngkong haka kyrdan 3rd Division ka Lumkhangdong Kyndongtuber kala pynliem da 7-1 kol ïaka Lumchyrmang Mihmyntdu, ïa ki kol na ka Lumkhangdong Kyndongtuber la thep da u Phorki Shyrmang haka minit ba 2, u Medawan Phawa marwei ula thep haduh 5 kol haka minit ba 16, 26, 28, 76 & 77 bad u Kyrchanlang Shylla haka minit ba 80+3. Ïa ka shikol na ka Lumchyrmang Mihmyntdu la thep da u Embor Churmang haka minit ba 44.
Haka jingïakhun kaba ar ka Youth Welfare Iooksi kala pynliem da 4-1 kol ïaka Umchangyiar, ïa ki kol na ka Youth Welfare Iooksi la thep da u Sammaia Sumer lai kol haka minit ba 8, 70 & 74 bad u Pyrchang Tangliang haka minit ba 41. Ïa ka shikol na ka Umchangyiar la thep da u Tremi Phawa haka minit ba 38.
Katba haka jingïakhun jong ka 2nd Division ka Mulang Ialong kala pynliem da 3-0 kol ïaka Lumpyrtuh Mihmyntdu, ïa ki kol na ka Mulang Ialong la thep da u Richard Mulieh haka minit ba 29, u Chalet Phawa haka minit ba 53 bad u Tympang Tangliang haka minit ba 67.
