U District Sports Officer, West Jaiñtia Hills District, Jowai ma K. Passah ula pyntip ba shen ka ophis jong u kan sa pynlong ïa ka Open Inter-School Basketball Tournament, 2025 na ka bynta ki khynnah Skul shynrang bad ki kynthei kiba don hapoh ka West Jaiñtia Hill District ha ka kyrdan Higher Secondary School Level.
La pyntip ïa kane ka lympung ïalehkai yn pynlong ha Kiang Nangbah Stadium, Ladthadlaboh Dongmihsngi, Jowai hapoh jong u bnai Risaw mynta hi u snem 2025.
Ïa ki Entry Form lah ban ïoh na ka ophis u DSO Jowai, ki skul napoh ka West Jaiñtia Hills District kiba kwah ban ïashim bynta ki lah ban leit shim ïa ki Entry Form na katei ka Ophis ha ka por ba longtrei. Ïa ka tarik jong ka Tournament yn sa pyntip hadien katkum ka jingdonkam.
Na ka bynta ki nongïalehkai ki dei ban pynbiang ïa ka skul ID ryngkat bad ka Entry Form. Kumjuh kawei ka dur passport jong u ne ka nongïalehkai da kaba pyndaitlang ryngkat bad ka Entry Form bad ka tarik ba khatduh ban pynpoi ïa ki Entry Form ka long ha ka 3 tarik u Risaw, 2025.
