Ka jingïalehkai phubol bala pynïaid daka West Jaiñtia District Sports Association (WJDSA) kaba la long mynta ka sngi 16 tarik u Nailur ha ki ar tylli ki kyrdan kata ka ‘5th Adelbert Memorial Trophy 3rd Division Football 2025 bad ka ‘8th Debo Shullai Memorial Trophy 2nd Division Football 2025 la pynlong ha madan Kiang Nangbah Stadium Dongmihsngi, Jowai.
Haba phai sha ka jingïakhun ba nyngkong haka kyrdan 3rd Division ka Mookymphad SC kala pynliem da 5-1 kol ïa ka Saiñdur Mihmyntdu, ïa ki kol na ka Mookymphad SC la thep da u Humbertson Rymbai haka minit ba 25, u Wailad Shylla haka minit ba 38, u Honesty Phawa haka minit ba 42, u Jerry Dhar haka minit ba 57 bad u Kenal Dkhar haka minit ba 77. Ïa ka shikol na ka Saiñdur Mihmyntdu la thep da u Dapyrkhat Suchiang (own goal) haka minit ba 64.
Haka jingïakhun kaba ar ka Riatsaliya Mihmyntdu kala pynliem da 2-1 kol ïaka Lumsliarsliar Mupliang, ïa ki kol na ka Riatsaliya Mihmyntdu la thep da u Meban Kharsotti haka minti ba 17 & 65. Ïa ka sikol na ka Lumsliarsliar Mupliang la thep da u Spain Rymbai haka minit ba 42. Lyngba kane ka jingjop jong ki ar kynhun mynta ka sngi kiba ïoh ban rung sha ka Quarter Final.
Katba haka jingïakhun jong ka 2nd Division ka NSA kala pynliem da 5-1 kol ïa ka Panaliar, ïa ki kol na ka NSA la thep da u Teibor Lamare haka minit ba 20 & 27, u Ram Hadia haka minit ba 43, u Heini Pasi haka minit ba 53 bad u Angel Dhar haka minit ba 67. Ïa ka shikol na ka Panaliar la thep da u Iatha Phira haka minit ba 60.
