Ka lympung ïalehkai phutbol jong ka kyrdan 1st Division League 2025 bala pynïaid daka East Jaiñtia Hills District Football Association (EJHDFA) kaba long mynta ka sngi 17 tarik Nailur ha madan Artificial Diengshynrum, Khliehriat.
Haba phai sha ka jingïakhun kaba nyngkong ka Wahiajer Narpuh SSC kala jop da 3-0 kol ïaka Rymbai Iawpynsing SC, ïa ki kol na ka Wahiajer Narpuh SSC la thep da u Paila Mukhim haka minit ba 16, u Monush Lapang haka minit ba 31 bad u Santosh Teron 58.
Katba haka jingïakhun kaba ar ka Khliehriat West YWSC kala jop da 8-0 kol ïaka Iatyllilang SC Hingaria, ïa ki kol na ka Khliehriat West YWSC la thep da u Ebangalish Nongrum haka minit ba 18 & 57, u Irengbam bioyachandra Sing haka minit ba 24, u Handeibam Nacho Sing haka minit ba 33 & 77, u Teibor Swer haka minit ba 45, u Ha ome Sympli haka minit ba 87 bad u Sandy Kasar haka minit ba 90+2.
La pyntip ba ka jingïakhun kan bteng ha ka 19 tarik u Nailur ha ki ar tylli ki jingïakhun.
