–Jop ka Khliehmynkrem ha ka 2nd Division–
Ka jingïalehkai phubol bala pynïaid daka West Jaiñtia District Sports Association (WJDSA) kaba la long mynta ka sngi 17 tarik u Nailur ha ki ar tylli ki kyrdan kata ka ‘5th Adelbert Memorial Trophy 3rd Division Football 2025 bad ka ‘8th Debo Shullai Memorial Trophy 2nd Division Football 2025 la pynlong ha madan Kiang Nangbah Stadium Dongmihsngi, Jowai.
Haba phai sha ka jingïakhun ba nyngkong haka kyrdan 3rd Division ka Pasyih Cultural kala pynliem da 6-5 kol ïa ka Myrjai SC lyngba ka jingïashut tie breaker. Ka jingïakhun haduh ka por bala buh kila ïakhaid da 2-2 kol ïa ka kol na ka Pasyih Cultural la thep da u Army Rymbai haka minit ba 19 ba du Seiborlang Dkhar haka minit ba 38. Ïa ki kol na ka Myrjai SC la thep da u Jumonki Phawa haka minit ba 62 bad u Wanphai Chyrmang haka minit ba 80+2.
Haka jingïakhun kaba ar ka Pateinki Sabahmuswang kala pynliem da 2-0 kol ïaka West Madan Mustem. Ïa kitei ki ar kol na ka Pateinki Sabahmuswang la thep da u Pynbaitmi Phawa haka minit ba 10 bad u Beloved Talang (own goal) haka minit ba 56. Da kane ka jingjop kine ki ar kynhun kila ïoh ban rung sha ka Quarter Final.
Katba haka jingïakhun jong ka 2nd Division ka Khliehmynkrem kala pynliem da 1-0 kol ïa ka Risingsun Mukhla, ïa katei ka kol na ka Khliehmynkrem la thep da u Eurestos Mynthlu haka minit ba 49.
