– Lashai ka sngi 23 tarik yn sdang ka 1st Division –
Ka jingïakhun Pre Quarter Final jong ka kyrdan ‘Joybell Suiam Memorial 2nd Division Football League ba la pynïaid da ka Thadlaskeiñ Sports Association (TSA) West Jaiñtia Hills kaba la long mynta ka sngi 22 tarik u Nailur ha madan Wahiajer Multi-Sports Complex.
Haba phai sha ka jingïakhun Pre Quarter Final ba nyngkong ka Laru SC kala pynliem da 1-0 kol ïa ka Myntoilang Bamkamar, ïa katei ka shikol na ka Laru SC la thep da u Ramario Warlarpih.
Ha ka jingïakhun ba ar ka Myngkrem kala pynliem da 3-2 kol ïa ka Namdong-A lyngba ka jingïashut Tie breaker, ka jingïakhun hapdeng kine ki ar kynhun haduh ba kut jong ka por bala buh kila ïakhaid da mar shikol (1-1). Ïa ka kol na ka Myngkrem la thep da u Da o Khynriam ha ka minit ba 66. Katba ïaka shikol na ka Namdong-A la thep da u Wanpor Myria haka minit ba 37.
La pyntip ba ka Thadlaskeiñ Sports Association lashai ka sngi 23 tarik kan sdang ïaka lympung jong ka 1st Division ha ka por 1 baje nohphai sngi ha kaba ka kynhun Jalapang SC kan ïakhun pyrshah ïa ka Evergreen SC.
