-Jop ka Dongmihsngi SC ha ka 2nd Division-
Ka jingïalehkai phutbol bala pynïaid da ka West Jaiñtia District Sports Association (WJDSA) kaba la long mynta ka sngi 22 tarik u Nailur ha ki ar tylli ki kyrdan kata ka ‘5th Adelbert Memorial Trophy 3rd Division Football 2025 bad ka ‘8th Debo Shullai Memorial Trophy 2nd Division Football 2025 bala pynlong ha madan Kiang Nangbah Stadium Dongmihsngi, Jowai.
Haba phai sha ka jingïakhun ba nyngkong haka kyrdan 3rd Division ka Riatsaliya Mihmyntdu kala jop da 2-0 kol ïa ka Mookymphad Mihmyntdu, ïa kitei ki kol na ka Riatsaliya Mihmyntdu la thep da u Meban Kharsotti ha ka minit ba 25 bad u Ishanroi Pde ha ka minit ba 74.
Ha ka jingïakhun kaba ar ka Pasyih Cultural SC kala jop da 2-1 kol ïa ka Pateinki Sabahmuswang, ïa ki kol na ka Pasyih Cultural SC la thep da u Seiborlang Dkhar haka minit ba 23 bad u Ribait Dkhar haka minit ba 34. Ïa ka shikol na ka Pateinki Sabahmuswang la thep da u Wanriki Lyngdoh haka minit ba 68.
Da kane ka jingjop kine ki ar kynhun ka Riatsaliya Mihmyntdu bad ka Pasyih Cultural SC kila ïoh ban rung sha ka Semi Final jong kane ka lympung.
Katba haka jingïakhun jong ka 2nd Division mynta ka sngi ka Dongmihsngi SC kala jop da 6-1 kol ïaka Moosalyngkat SC, ïa ki kol na ka Dongmihsngi SC la thep da u Ewanmida oo Langstamg haka minit ba 11, u Evening Tariang haka minit ba 28 & 60, u Lalrin kima Nampui haka minit ba 54 bad u Romeo Lyngdoh haka minit ba 58 & 71. Katba ïa ka shikol na ka Moosalyngkat SC la thep da u Rihokmiki Chyrmang haka minit ba 46.
