Ka jingïalehkai phutbol bala pynïaid daka West Jaiñtia District Sports Association (WJDSA) kaba la long ha ka 25 tarik u Nailur haka kyrdan 5th Adelbert Memorial Trophy 3rd Division Football 2025 ha madan Kiang Nangbah Stadium Dongmihsngi, Jowai.
Haba phai sha ka jingïakhun ba nyngkong ka SCSC Nonglatem kala pynliem da 2-0 kol ïaka Lumkhangdong Kyndongtuber, ïa ki kol na ka SCSC Nonglatem la thep da u Obedient Pyrtuh haka minit ba 57 bad u Tomy Lamare haka minit ba 66.
Katba ha ka jingïakhun kaba ar ka Riatsaliya Mihmyntdu kala pynliem da 4-1 kol ïaka Pasyih Cultural SC, ïa ki kol na ka Riatsaliya Mihmyntdu la thep da u Become Pale haka minit ba 66, u Neviki Phawa haka minit ba 72 bad u Meban Kharsatti haka minit ba 73 & 77. Ïa ka shikol na ka Pasyih Cultural la thep da u Budhokmiki Rymbai haka minit ba 29.
Lyngba kane ka jingjop jong ka SCSC Nonglatem bad Riatsaliya Mihmyntdu kila ïoh ban rung sha ka Final jong kane ka lympung jong ka 3rd Division mynta u snem.
