Ka lympung ïalehkai phutbol jong ka kyrdan Kesilroy Pala Memorial Super Division bala pynïaid da ka Thadlaskeiñ Sports Association (TSA) West Jaiñtia Hills kala long mynta ka sngi 26 tarik u Nailur haka jingïakhun 2nd Semi Final Eliminator ha madan Wahiajer Multi-Sports Complex.
Haba phai sha ka jingïakhun ka Nongkhroh Rim kala pynliem da 3-1 kol ïaka Wahiajer SC, ïa ki kol na ka Nongkhroh Rim la thep marwei da u Rahbok Synnah haka minit ba 39, 48 & 90+3. Ïa ka shikol na ka Wahiajer SC la thep da u Dauru Phawa haka minit ba 85.
La pyntip ba ka jingïakhun Quarter Final jong ka kyrdan 2nd Division kan long lashai ka sngi 27 tarik u Nailur ha ka por 1 baje nohphai sngi hapdeng ka Nongdhar pyrshah ïaka Bamkamar. Katba ha ka por 3 baje nohphai sngi ka Laru pyrshah ïaka Myngkrem United.
