Ka jingïalehkai phutbol bala pynïaid daka West Jaiñtia District Sports Association (WJDSA) kaba la long mynta ka sngi 26 tarik u Nailur haka kyrdan ‘8th Debo Shullai Memorial Trophy 2nd Division Football 2025 bala pynlong ha madan Kiang Nangbah Stadium Dongmihsngi, Jowai.
Haba phai sha ka jingïakhun ba nyngkong ka Lumpyrtuh Mihmyntdu kala jop da 4-0 kol ïaka Panaliar, ïa ki kol na ka Lumpyrtuh Mihmyntdu la thep da u Remember Lamare haka minit ba 16, u Ebormi Biam haka minit ba 20 bad u Arwanki Rymbai haka minit ba 70 & 76.
Haka jingïakhun kaba ar ka Khliehmyntang Ialong kala jop da 2-1 kol ïaka Lumbhahdakha Wahiajer, ïa ki kol na ka Khliehmyntang Ialong la thep da u J Bryan Pale haka minit ba 29 bad u Vandame Pale haka minit ba 79. Ïa ka shikol na ka Lumbhahdakha Wahiajer la thep da u Bernard Suchiang haka minit ba 38.
Katba ha ka jingïakhun kaba lai ka Luti Tuber Social Welfare kala jop da 5-2 kol ïaka Chilliangriaj SC, ïa ki kol na ka Luti Tuber Social Welfare la thep da u Marbhah Dhar haka minit ba 3, u Iohbhah Dhar haka minit ba 39, u Play Mulieh haka minit ba 45, u Sowatki Nikhla (own goal) haka minit ba 47 bad u Sdang Lhuid haka minit ba 68. Ïa ki ar kol na ka Chilliangriaj SC la thep da u Shwaki Dhar (own goal) haka minit ba 36 bad u Mayalang Lanong haka minit ba 41.
