Ka jingialehkai mynta ka sngi hapdeng ka Khlachympa SCC -B pyrshah ia ka Tympang club jong ka 8th interdong football league 2025 ba la pyniaid da ka Khlachympa Sports & Cultural Club ha ka ba ka jingialehkai ka long ka ba ia khaid bha baroh arliang ki team.
Na baroh ar ki la pyrshang ia la ki jong ki buit ki bor ban ioh pynkhih jar hynrei haduh ba kut ka jingialehkai ym don ba ioh ban pynkhih jar, ha kaba kila hap ban iasam mar 1 point.
Ka jingialehkai wat hapdeng ka jingshit kyrang ka sngi ka long ka ba itynnad bha bad ia ryngkat bor. U namtam (Man of the Match) ha ka ne ka jingialehkai u dei u Aldrin Lymba na ka Tympang Club.
Kawei pat ka jingialehkai kan long ha ka 1/10/2025 hapdeng ka New Nonglamin sc pyrshah iaka Amlariang sc ha ka por 2 shiteng nohphai sngi.
