Ka jingïakhun Quarter Final haka kyrdan ‘Joybell Suiam Memorial 2nd Division Football League bala pynïaid da ka Thadlaskeiñ Sports Association (TSA) West Jaiñtia Hills kaba la long mynta ka sngi saitjaiñ 27 tarik u Nailur ha madan Wahiajer Multi-Sports Complex.
Haba phai sha ka jingïakhun Quarter Final ba nyngkong ka Bamkamar kala pynliem da 3-2 kol ïa ka Nongdhar, ïa ki kol na ka Bamkamar la thep marwei da u Meshanmi Nongrum haka minit ba 16, 22 & 63. Ïa ki ar kol na ka Nongdhar la thep da u Hayobiang Dkhar ha ka minit ba 24 & 35.
Ha ka jingïakhun ba ar ka Laru kala jop ïaka Myngkrem da ka jingïashut Tie Breaker da 4-3 kol, hadien ka jingïakhaid jong ki da mar shikol (1-1), ïa ka shikol na ka Laru la thep da u Bahnah Suting haka minit ba 36, katba na ka Mynkrem la thep da u Yomitre Khynriam haka minit ba 2.
La pyntip ka jingïakhun haka 29/09/2025 kaba dei ka Semi Final Eliminator ba lai jong ka kyrdan Super Division ha ka por 2 baje shiteng kan long hapdeng ka Lumphyrnai Sohphoh pyrshah ïaka Nongkhroh Rim.
