Ka Waikhyrwi Sports Club and Social Organization (WSCSO) ha ka 27 tarik u bnai Nailur 2025 ka la ïoh ban pynlong ïa ka 17th prize money Knockout Football Tournament 2025 ka jong ka.
Ha kane ka sngi plie pyrda, ha ka program kaba lyngkot la wan ban ïashim bynta da u Ma Streamly Nongjop Suchen uba long u President ka KSU, EJHD kum u Kongsan, u Ma Kwilnis S. Suchiang, u General Secretary ka KSU, EJHD bad uba long ruh u symbud Kongsan ha kane ka program, u Dr Kim Lamurong, bad kiwei kiwei de ki nongshahkhot sngewbha sha kane ka program.
Ïa kane ka program la pynïaid da u Pynlumlang Ksoo bad ïa ki kyntien ai khublei la ïoh na u Kerlang Tlang.
U President ka KSU, EJHD haba ïoh ban ai ïa ka jingkren ha kane ka sngi u ong ba ka kam īalehkai football mynta kam long kaba duhnong lada lah ban trei shitom ym kum mynshwa namar mynta ka lah kham pher ki nongïalehkai football mynta ki lah ruh ban kyrshan ïa ka ïing ka sem ka jong ki da kaba ki trei minot ha kane ka kam football.
Ïa kane ka Tournament la pynlong ha Dkhiah West bad ki team kiba ïalehkai mynta ka sngi ki kynthup ïa ka Kur Suchen Bataw FT bad ka Sutnga Pohshnong SC ha kaba ka Suchen Bataw FT ka la ïoh ban thep 5 goal katba ka Sutnga Pohshnong SC pat ka la ïoh ban thep 1 goal.
