Ka lympung ïalehkai phutbol jong ka kyrdan 1st Division League 2025 bala pynïaid daka East Jaiñtia Hills District Football Association (EJHDFA) kaba la long mynta ka sngi 29 tarik Nailur haka jingïakhun Quarter Final ha madan Artificial Diengshynrum, Khliehriat.
Haba phai sha ka jingïakhun ka Byndihati CSC kala jop da 3-1 kol ïaka Rymbai Madanpynriang SC, ïa ki kol naka Byndihati CSC la thep da u Tenligent Dkhar haka minit ba 32, u Lungouhao Hangshing haka minit ba 42 bad ka (Penalty) haka minit ba 90+3. Ïa ka shikol naka Rymbai Madanpynriang SC la thep da u Rapporme Dkhar haka minit ba 63.
Hapdeng ka jingïalehkai jong kine ki ar liang mamla kila ïoh pdiang mar kawei ka double caution. Lyngba kane ka jingjop ka Byndihati CSC kala long ka kynhun ba nyngkong ban ïoh rung sha ka Semi Final jong ka lympung ïalehkai 1st Division Ka EJHDFA mynta u snem.
Ka jingïakhun Quarter Final lashai ka sngi 30 tarik kan long hapdeng ka R. Synrang Shahkhai SC pyrshah ïaka R. Wahshnong SC haka por 2 baje nohphai sngi.
