Ka Nangkiew Irat SC ka la ioh ia ka jingjop don burom ha kane ka sngi (29.9.25) ha kaba ka la lah ban pynjem khnap noh ia ki rangialehkai ka Malki da kaba pynliem noh da 5-0 ko ha ka jingiakhun na ka bynta ka wat ba 6 jong ka lympung Shillong Premier league (SPL) ha madan SSA Polo, Shillong.
Katei ka jingjop na ka bynta ka Nangkiew Irat ka dei ruh ka jingmyntoi ha kaba ka la knieh noh ia ka Kyrdan ba nyngkong na ka Mawlai SC da kaba kamai haduh 13 poiñ na 6 sien ki jingialehkai mynta ka samoi.
Ia kitei ki 5 kol la ioh ban thep da u Ronalkydon L. Nonglait (39), Jefferson Pakyntein (58), Wallamsuk Nongkhlaw (63), Himanshu Patil (69) bad shi kol na u Banshan Nongdhar (90+2).
Ka Malki kaba dang ioh tang 6 poiñ na 6 sien ki jingialehkai kan bteng biang ia ka jingiakhun ha kane ka lympung pyrshah ia ka Rangdajied United FC ha ka 3.10.2025 katba ka Nangkiew Irat kan ïakhun pyrshah ia ka Langsning FC ha ka 7.10.2025.
