Ka lympung ïalehkai phutbol jong ka kyrdan 13th Chatister Kharkongor Memorial Trophy 1st Division Football Tournament-2025 bala pynïaid daka West Jaiñtia District Sports Association (WJDSA) ka la bteng biang mynta ka sngi 30 tarik ha madan Kiang Nangbah Stadium Dongmihsngi, Jowai.
Haba phai sha ka jingïakhun ka Lion Sports & Youth Affairs kala pynliem da 3-1 kol ïaka Lumiawmuchai Shangpung, ïa ki kol naka Lion Sports & Youth Affairs la thep da u Edius Laloo haka minit ba 40, u Wailaddame Niangti haka minit ba 82 bad u Mebanteilang Mukhim haka minit ba 90+2. Ïa ka shikol na ka Lumiawmuchai Shangpung la thep da u Salanbhami Suchiang haka minit ba 49.
La pyntip ka jingïakhun haka 4 tarik u Risaw kan long hapdeng ka Mynthong SC pyrshah ïaka Dulong SC haka por 2 baje nohphai sngi.
