Ka kynhun ïalehkai phutbol jong ka Riatsaliya SC Mihmyntdu kala long ka lahduh haka kyrdan 5th Adelbert Memorial Trophy 3rd Division Football 2025 bala pynïaid daka West Jaiñtia District Sports Association (WJDSA) kaba la long mynta ka sngi ha madan Kiang Nangbah Stadium Dongmihsngi, Jowai.
Haba phai sha ka jingïakhun phainal ka Riatsaliya SC Mihmyntdu kala jop da 4-3 kol ïaka SCSC Nonglatem lyngba ka jingïashut Tie Breaker, hadien ka jingïakhaid (0-0).
Ïa ka nam Man of the Match la ïoh rah da u Bankerlang Rynjah na ka SCSC Nonglatem, Best Goal Keeper la ïoh da u Kyntulangki Chyrmang na ka Riatsaliya Mihmyntdu, Top Scorer la ïoh da u Meban Kharsoti haduh 7 kol naka Riatsaliya Mihmyntdu bad ka nam Player of the Tournament la ïoh da u Ditol Langshiang naka SCSC Nonglatem.
Ïa ki khusnam sha ki nongjop la sam da u kongsan jong kane ka sngi u ma K. Passah (DSO) uba dei ruh u Asst. Director ka Sports & Youth Affairs Meghalaya, ha ka jingïadonlang ki nongkitkam ka WJDSA, ki nongshah khot sngewbha nalor kiwei de.
