Ka jingiakhun hapdeng ka Shillong Lajong FC bad Mawlai SC hynnin ka sngi (1.10.2024) ka la long kawei na ka jingiakhun kaba itynnad tam ha kane ka lympung Shillong Premier league 2025-26 ha kaba ka Lajong ka la pynliem noh da 4-3 ia ka Mawlai ha ka jingiakhun ba la pynlong ha madan SSA Polo Shillong.
Ia kitei ki kol na ka bynta ka Lajong la ioh ban thep da u Emanbha Marbaniang ha ka minit 58 & 67 katba ka ki 2 kol la ioh ban iarap da u Deibormame Tongper ha ka minit ba 64 & 80, na ka bynta ka Mawlai la ioh ban thep da u Samlang Rympei ha ka minit ba 22, Farming Suting ha ka minit ba 46 bad shi kol na u Loving Suting ha ka minit ba 56.
Lyngba katei ka jingjop ka Lajong ka la knieh noh ia ka Kyrdan ba 2 na ka Mawlai da ka jingioh 12 poiñ na 6 sien ki jingialehkai katba ka Nangkiew Irat kaba don mynta ha ka Kyrdan ba nyngkong ka la ioh ban kamai 13 poiñ na 6 sien ki jingialehkai.
Ka Mawlai kan bteng biang ia ka jingiakhun ha kane ka lympung pyrshah ia ka Laitkor SC ha ka 4.10.2025 katba ka Lajong kan ïakhun pyrshah ia ka Sawmer ha ka 6.10.2025.
