Ka jingïalehkai phutbol bala pynïaid daka West Jaiñtia District Sports Association (WJDSA) kaba la long mynta ka sngi 2 tarik u Risaw jong ka ‘8th Debo Shullai Memorial Trophy 2nd Division Football 2025 la pynlong ha madan Kiang Nangbah Stadium Dongmihsngi, Jowai.
Haba phai sha ka jingïakhun ka Quarter Final ba nyngkong ka Khliehmyntang Ialong kala pynliem da 5-1 kol ïaka Giovento Mynso, ïa ki kol naka Khliehmyntang Ialong la thep da u Bryan Pale haka minit ba 23 & 79, u Mebakynsai Pale haka minit ba 50 bad u Bachan Pale haka minit ba 58 & 60. Ïa ka shikol naka Giovento Mynso la thep da u Dolingstar Syntem haka minit ba 80.
Katba haka jingïakhun kaba ar hadien ka jingïakhaid da (0-0) ka Lumpyrtuh Mihmyntdu kala lah ban pynliem da 5-3 kol ïa ka Dongmihsngi lyngba ka jingïashut Tie Breaker.
