Ka lympung ïalehkai phutbol bala tip kum ka ‘Hajan Shylla Memorial Trophy 1st Division’ bala pynïaid da ka Thadlaskeiñ Sports Association (TSA) West Jaiñtia Hills kala long mynta ka sngi 3 tarik u Risaw ha madan Wahiajer Multi-Sports Complex.
Haba phai sha ka jingïakhun ba nyngkong ka Namdong-B kala pynliem da 2-1 kol ïaka Friends United, ïa kitei ki kol naka Namdong-B la thep da u Draimos Phawa haka minit ba 22 bad u Felixson Lamare haka minit ba 35. Ïa ki kol naka Friends United la thep da u Nicos Laloo haka minit ba 46.
Haka jingïakhun kaba ar ka Ummulong SC kala pynliem da 4-1 kol ïaka Malngiang FC, ïa ki kol naka Ummulong SC la thep mar ar kol da u Abiding Muksor haka minit ba 28 & 69 bad u Lamphrang Dkhar haka minit ba 75 & 80. Katba ïaka shikol naka Malngiang FC la thep da u Nibiang Phawa haka minit ba 17.
La pyntip ka jingïakhun haka 1st Division haka 6 tarik haka por 12 baje shiteng nohphai sngi ka Dongmihsngi SC pyrshah ïaka Tyrshang SC. Katba haka por 2 baje shiteng nohphai sngi ka Maya SC pyrshah ïaka Lumshyrtoh FC.
