Ka Mawlai SC kaba dei ruh ka lahduh jong kane ka lympung Shillong Premier League (SPL) ha ka aiom ialehkai jong ka snem 2023-24 ka la ioh ban kiew biang ha ka kyrdan ba nyngkong hadien ka jingiakhun na ka bynta ka wat ba 7 pyrshah ia ka Laitkor ha Madan SSA Stadium Polo, Shillong.
Ha katei ka jingiakhun ka Mawlai ka la lah ban pynliem da kaba suk ia ka Laitkor, kata da 4-0 lyngba ki kol ba la wan na u Robertson Khongriah (45), Ricky Chyne (60), Loving Suting (77) bad na u Damitre Kynjing (83).
Na 7 sien ki jingialehkai ka Mawlai ka la ioh ban mad 4 sien ki jingjop bad 2 sien ka nam rem, katba ka Laitkor kaba don mynta ha ka kyrdan ba 7 ka la mad 2 sien ka nam jop, 2 sien ka jingiakhaid bad 3 sien ka nam rem.
Ka Mawlai kan bteng biang ia ka jingiakhun na ka bynta kane ka Lympung pyrshah ia ka Rangdajied United FC ha ka 8.10.2025 katba ka Laitkor kan iakhun pyrshah ia ka Langsning ha ka 10.10.2025.
