Ka lympung ïalehkai phutbol bala tip kum ka ‘Hajan Shylla Memorial Trophy 1st Division’ bala pynïaid da ka Thadlaskeiñ Sports Association (TSA) West Jaiñtia Hills kala long mynta ka sngi 6 tarik u Risaw ha madan Wahiajer Multi-Sports Complex.
Haba phai sha ka jingïakhun ba nyngkong ka Tyrshang SC kala pynliem da 3-0 kol ïaka Dongmihsngi, ïa ki kol naka Tyrshang SC la thep da u Sankijuh Challam haka minit ba 2 & 57 bad u Pyrkhat Tyngkra haka minit ba 77.
Haka jingïakhun kaba ar hapdeng ka Maia SC bad ka Lumsharatoh FC kila poi sha ka jingïakhaid da mar shikol (1-1), ïa ka kol naka Maia SC la thep da u Sukmi Lamin haka minit ba 16. Katba ïa ka kol na ka Lumsharatoh FC la thep da u Mark Andriew Thubru haka minit ba 24.
La pyntip ka jingïakhun lashai ka sngi 7 tarik haka kyrdan Kesilroy Pala Memorial Trophy Super Division haka por 1 baje nohphai sngi kan long hapdeng ka Mukhla Raij pyrshah ïaka Lumphyrnai Sohphoh.
